Այսօր՝ սեպտեմբերի 20-ին, Ազգային ժողովում հրավիրվել է արտահերթ նիստ: Օրակարգում Հարկային օրենսգրքում փոփոխություններ և լրացումներ կատարելու մասին օրենքի նախագիծն է:
«Լուսավոր Հայաստան» խմբակցության պատգամավոր Մանե Թանդիլյանը նշեց, որ սեպտեմբերին Նիկոլ Փաշինյանը հնչեցրել էր բոլորովին այլ թիվ՝ 9000 տնտեսվարողների գումարների վերադարձման մասին էր գրել. «Դուք հիմա հնչեցնում եք բացարձակ այլ թիվ. ինչո՞վ է պայմանավորված այս տարբերությունը»:
Դիմելով ՊԵԿ նախագահին՝ պատգամավորն ասաց. «Լավ չէ, որ չեք ընթերցում վարչապետի գրառումները»:
Ի պատասխան՝ ՊԵԿ նախագահն ասաց, որ պատգամավորը քաղաքական գնահատականներ է տալիս: «Դա Ձեր տեսակետն է: Ի՞նչ գիտեք՝ կարդո՞ւմ եմ, թե՞ ոչ»,- հավելեց Դավիթ Անանյանը:
Մանրամասները՝ տեսանյութում:
