Երբ Մալայզիայի Սելանգոր քաղաքում 29-ամյա Ազլի Յոզոֆը ներկայացել է ընկերոջ հարսանիքին, նա ոչ մի կերպ չէր սպասում, որ կյանքը հատուկ անակնկալ կմատուցի իրեն: Երիտասարդը պատրաստվում էր լուսանկարվել նորապսակների հետ, երբ հանկարծ որոշեց, որ աչքերը նրան խաբում են. նրա դիմաց կանգնած էր իր գեր կրկնօրինակը:
Նա ոչ միայն ճաղատ, փամփլիկ և մոտավորապես նույն հասակի էր, ինչպես Ազլին: Տղաները նաև նույն հագուստն ու ակնոցներն էին կրում, ինչն իրավիճակը լրիվ անհավանական էր դարձնում: Հյուրերը ևս նկատել են տարօրինակ զուգադիպությունը: Պահն այնքան զավեշտալի է եղել, որ բոլորը միասին սկսել են ծիծաղել:
Ինչպես պարզվել է ավելի ուշ, խորհրդավոր երկվորյակը և Ազլին բոլորովին էլ հարազատներ կամ մանկության տարիներին իրարից բաժանված եղբայրները չեն: Գեր կրկնօրինակը փեսայի գործընկերն էր, իսկ Ազլին՝ նրա մանկության ընկերը, գրում է Mirror-ը:
Հարսանիքի ժամանակ նրանք առաջին անգամ են հանդիպել, բայց, կարծես, ոչ վերջին: Այժմ ընկերները ցանկանում են տղաների հետ հանդիպում կազմակերպել նրանց միասին լուսանկարելու համար: Միևնույն ժամանակ, նրանց մասնակցությամբ տեսանյութը սոցցանցերում դիտումներ է հավաքում՝ զվարճացնելով օգտատերերին:
