«Ես երբեք ինձ գեղեցիկ չեմ զգացել». Լեդի Գագան պատմել է, թե ինչպես է դիմահարդարման նկատմամբ կիրքը փոխել իր կյանքը

Իտալական ծագում ունեցող ամերիկացի երգչուհի Լեդի Գագան հայտնի է ամբողջ աշխարհում: Այժմ Լեդի Գագան գտնվում է հանրաճանաչության գագաթնակետին, բայց հաջողությունները սիրած գործում միշտ չէ, որ վստահություն են հաղորդում երգչուհուն:

Լեդի Գագա դառնալուց առաջ Ստեֆանի Ջերմանոտային ծաղրում էին դպրոցում և քոլեջում: Նրանք նույնիսկ Facebook-ում ատելության խմբեր էին ստեղծում, որտեղ գրում էին, որ նա երբեք հայտնի չի դառնա: Անինքնավստահությունը Լեդի Գագային հետապնդել է դեռ երիտասարդ տարիքից, այդ պատճառով նա իրեն գեղեցիկ չի համարում:

«Ես երբեք ինձ գեղեցիկ չեմ զգացել, և մինչ այժմ լինում են օրեր, երբ ես ինձ գեղեցիկ չեմ զգում: Բոլոր մտավախությունները, որոնց ես բախվել եմ ամբողջ կյանքիս ընթացքում ծաղրի ենթարկվելու պատճառով, վերադառնում են, ինձ խայթելու համար»,- խոստովանել է նա:

Նման իրավիճակում երգչուհուն օգնել է դիմահարդարման հանդեպ կիրքը: Գագայի խոսքերով, դիմահարդարումից հետո նա իրեն գերհերոսուհի է զգում: Այդ պատճառով վերջերս նա թողարկել է գեղեցկության միջոցների իր սեփական գիծը:

Ամենից շատ Լեդի Գագան սիրում է շուրթերի համար նախատեսված մատիտը: Երբ երգչուհին շուրթերն ընդգծում է մատիտով՝ իրեն թատերական ներկայացման մաս է զգում: Լեդի Գագան վստահ է, որ դիմահարդարումն օգնել է իրեն գեղեցիկ զգալ, հայտնում է Аllure-ը:

https://www.instagram.com/p/BztP4qeFFiw/?utm_source=ig_embed

https://www.instagram.com/p/B0lytlulAAH/?utm_source=ig_embed