Վլադիմիր Պուտինը հանձնարարել է իր աշխատավարձը փոխանցել «Ռոսիա» բանկ, որը հայտնվել է ԱՄՆ ֆինանսների նախարարության «սև ցուցակ»-ում:
«Ես արդեն ասել եմ, որ մտադիր եմ այնտեղ անձնական հաշվեհամար բացել, ավելին՝ ես գործերի կառավարչին հրահանգել եմ, որպեսզի այնտեղ փոխանցեն իմ ամսական աշխատավարձը»,- Պուտինի խոսքերն է մեջբերում Interfax-ը:
«Ռոսիա» բանկը դարձել է Ռուսաստանի առաջին առևտրային հաստատությունը, որը ներառվել է ԱՄՆ-ի պատժամիջոցների ցուցակում Ղրիմի անեքսիայի պատճառով: Ուրբաթ Visa և MasterCard վճարման համակարգերը դադարել են ծառայություններ մատուցել բանկի հաճախորդներին:
Բանկի գլխավոր սեփականատերը Յուրի Կովալչուկն է, ով Պուտինի ընկերն է և ներառված է ռուսների ցուցակում, որոնք ենթարկվել են ամերիկյան պատժամիջոցների «երկրորդ ալիքին»:
ԱՄՆ վարչակազմը բանկի դեմ պատժամիջոցներ սահմանելը մեկնաբանել է նրանով, որ այն նյութապես ապահովում է ռուս բարձրաստիճան պաշտոնյաներին և անձանց, որոնք պատասխանատու են Ղրիմը Ռուսաստանի կազմի մեջ մտցնելու համար:
