Դորտմունդի «Բորուսիա»-ի պաշտպան Մարսել Շմելցերը վնասվածք է ստացել Չեմպիոնների լիգայի գավաթի խաղարկության 1/8 եզրափակիչ փուլի Սանկտ-Պետերբուրգի «Զենիթ»-ի դեմ պատասխան մրցավեճում (1:2):
Գերմանացու մոտ ախտորոշվել է աճուկի մկանների վնասվածք: Ակնկալվում է, որ ֆուտբոլիստը շարքից դուրս կմնա առնվազն 4 շաբաթ ժամանակով, հաղորդում է Sky Sports-ը: Այդպիսով, Գերմանիայի գործող փոխչեմպիոնի կազմում կադրային հերթական խնդիրն է առաջացել, քանի որ այս պահին վնասվածքներ ունեն թիմի առաջատար ևս մի շարք ֆուտբոլիստներ:
Հիշեցնենք, որ դորտմունդյան ակումբը վաղը կիմանա այն ակումբի անունը, որի հետ վիճարկելու է եվրոպական ակումբային ամենահեղինակավոր մրցաշարի կիսաեզրափակիչ փուլի ուղեգիրը:
