Ուկրաինայի նախկին ղեկավար Պետրո Պորոշենկոն Վրաստանին օգնելու խնդրանքով դիմել է ուկրաինացիներին: Այս մասին նա գրել է Facebook-ում:
«Մենք, ուկրաինացիներս, չպետք է մեր վրաց եղբայրներին թողնենք փորձանքի մեջ»,- ասել է Պորոշենկոն:
Նա երկրի բնակիչներին կոչ է արել հրաժարվել Ղրիմի թերակղզում հանգստից՝ Վրաստանի օգտին: Նա նաև դիմել է Ուկրաինայի նոր իշխանություններին և առաջարկել բնակիչներին օդանավակայանների վճարների զեղչեր տրամադրել Ուկրաինա-Վրաստան-Ուկրաինա չվերթների համար, իսկ ավիաընկերություններին խորհուրդ է տվել իջեցնել այդ ուղղության տոմսերի գները:
«Շատ կարևոր է օգնել նրանց, ովքեր, ինչպես և մենք, երկար տարիներ պայքարում ենք ռուսական ագրեսիայի դեմ»,- ընդգծել է Պորոշենկոն:
Ավելի վաղ բացահայտվել է Վրաստանի վնասները ռուս զբոսաշրջիկներին կորցնելուց հետո:
Ավելի վաղ Ռուսաստանի նախագահ Վլադիմիր Պուտինը հրամանագիր է ստորագրել, որով ռուսական ավիափոխադրողներին արգելվում է ՌԴ քաղաքացիներին Վրաստան տեղափոխել:
Հրամանագիրը կգործի հուլիսի 8-ից: