Լուրեր
Հրայր Թովմասյանը շատ լավ գիտակցում է «բոլոլայից» ելքը որն է
  • 22:15
  • 2019-06-24
  • Դիտումներ՝ *

Չորս տարի առաջ այս օրերին Երևանում պայքարում էին էլեկտրաէներգիայի թանկացման դեմ. շարժումն ստացավ «Էլեկտրիկ Երևան» անվանումը: Ժողովրդի քաղաքացիական գիտակցության երկար ու փշոտ ճանապարհին այս շարժումը կարևոր հանգրվաններից էր: «Իմ քայլը» խմբակցության պատգամավոր Սիսակ Գաբրիելյանը, ով շարժման անմիջական ականատեսն ու մասնակիցն է եղել՝ իբրև լրագրող, «Առաջին լրատվական»-ի հետ զրույցում նշեց. «Շարժումը քաղաքացիական ընդվզման, զարթոնքի հերթական փուլերից էր, այն համախմբման մեծ հարթակ դարձավ, պայքարը քաղաքական չէր, քաղաքացիական էր… Օրակարգը հստակ էր՝ նախագահ Ս. Սարգսյանից պահանջում էին չեղարկել Հանրային ծառայությունները կարգավորող հանձնաժողովի որոշումը 7 դրամով էլեկտրաէներգիայի գինը բարձրացնելու վերաբերյալ…»:

«Ժողովրդավարական համախմբում» նախաձեռնության համահիմնադիր, քաղաքագետ Սուրեն Պետրոսյանի խոսքով՝ «Էլեկտրիկ Երևան»-ը կարևորագույն շղթայի մեջ մի օղակ էր. «Մի կարևոր խնդիր կար՝ ժողովուրդը չէր դիտարկվում որպես քաղաքական գործոն, «Էլեկտրիկ Երևանի» դեպքում, որպես կարևոր քաղաքական գործոն, սկսեց դիտարկվել ժողովուրդը, այսինքն՝ մարդը՝ որպես քաղաքական սուբյեկտ»:

Ս. Գաբրիելյանը հավելեց, որ դրանից հետո իշխանությունը օրենսդրական նոր նախաձեռնության ժամանակ սկսեց հաշվի առնել քաղաքացիների պահանջը, դժգոհությունը:

Մեր զրուցակիցների դիտարկմամբ՝ «Էլեկտրիկ Երևանի» պտուղը թավշյա հեղափոխությունն էր»:

Անդրադառնալով Վահե Գրիգորյանի ընտրվելուց հետո առաջացած խառնաշփոթին և Սահմանադրական դատարանի շուրջ ծավալվող զարգացումներին՝ Ս. Գաբրիելյանը նշեց. «…Կարծում եմ բախումը երկր չի տևի, և ողջամիտ լուծման կգան ՍԴ-ում պաշտոնավարողները»:

Ս. Պետրոսյանի խոսքով՝ ցանկացած դերակատար չի հաշտվում իր պարտության կամ նահանջի հետ. «Այս գործընթացը չպետք է հիվանդագին դիտարկել… Իրավական գործընթացները չպետք է խախտվեն, քաղաքական գործընթացները պետք է ընթանան միմիայն օրենքի շրջանակներում»:

Մեր զրուցակիցների դիտարկմամբ՝ Սահմանադրական դատարանը և ՍԴ նախագահը լեգիտիմության պակաս ունեն, նրանց որոշումները կշիռ չեն ունենա: «Հրայր Թովմասյանը շատ լավ գիտակցում է՝ այս «բոլոլոյից» ելքը որն է»,- ընդգծեց Ս. Գաբրիելյանը:

Մանրամասն՝ տեսանյութում:

  • Դիտումներ՝ *