Samsung-ը արտոնագրել է տեքստի վիրտուալ հավաքման գաղափարը, որը, հավանաբար, կօգտագործվի Galaxy Glass-ի մեջ: Ստեղնաշարը միանգամից կուրվագծվի օգտագործողի ձեռքերի վրա:
Դատելով այս ծրագրից՝ Samsung-ը չի վստահում ձայնային կառավարմանը, որը մասամբ օգտագործվում է Google Glass-ում: Կորեական արտադրողը կարծում է, որ աղմկաշատ վայրերում ձայնային հրահանգներ տալը բարդանում է: Դրանից բացի, մարդիկ չեն ցանկանում շրջապատի հետ կիսվել իրենց նամակագրությունների տեքստերով:
Լրացուցիչ իրականության Galaxy Glass ակնոցի միջոցով ստեղնաշարային կոճակները միանգամից հայտնվում են ձեռքի վրա: Օգտագործողից բացի այդ ստեղնաշարը ոչ ոք չի տեսնում: Տեքստը հավաքվում է բութ մատների սովորական հպումով:
Ցանկության դեպքում հնարավոր է միացնել նաև T9 ռեժիմը:
Առայժմ ավելի մանրամասն տեղեկատվություն այս գաղափարի մասին չկա, սակայն այս ամենն էլ վկայում է, որ կորեական արտադրողը լրջորեն մտադրվել է այս տեխնոլոգիայով առաջ անցնել մրցակիցներից, գրում է style.rbc.ru-ն:
