Դատարանում Ռոբերտ Քոչարյանի պահվածքը ի սկզբանե ագրեսիվ է, այսինքն՝ մեղադրականով է հանդես գալիս ընդդեմ դատարանի, դատախազության»,- «Առաջին լրատվական»-ի հետ զրույցում ասաց «Հանուն մարդու իրավունքների» կազմակերպության նախագահ, իրավապաշտպան Ժաննա Ալեքսանյանը՝ հավելելով, որ Քոչարյանն առաջնորդվում է հարձակումը լավագույն պաշտպանական միջոցն է տրամաբանությամբ:
Իրավապաշտպանի խոսքով՝ «գործը կարած է», թե ինչ է՝ կերևա դատական պրոցեսի ժամանակ. «Երևի Քոչարյանն առաջնորդվում է իր ժամանակվա սարքած գործերով: Եթե սարքած գործերի մասին խոսենք, ամենաարտահայտիչը «Պապլավոկի» գործն է՝ Պողոս Պողոսյանի սպանությունը, որը կոծկվեց աներևակայելի ձևով՝ մարդկանց աչքի առջև և անամոթաբար: Լավ կլիներ, որ Ռոբերտ Քոչարյանն այս գործերը վերհիշեր և այլևս սարքած գործերի մասին չխոսեր»:
Ինչ վերաբերում է դատավորին ուղղված Ռոբերտ Քոչարյանի սպառնալիքներին, նախկին քաղբանտարկյալ Տիգրան Բաղդասարյանը նկատեց, որ Ռոբերտ Քոչարյանը վերադառնալու տպավորություն է փորձում ստեղծել՝ կարծելով, թե դա կազդի հասարակության վրա. «Բայց հասարակությունն իրեն 20 տարի է՝ արդեն շատ լավ ճանաչում է»:
Հիշելով Ռոբերտ Քոչարյանի նախագահության օրոք դատախազի սպանությունը՝ մեր զրուցակիցն ասաց. «Դեռ ոչ մի պրոցես չսկսված՝ «Լրաբերով» Ռոբերտ Քոչարյանը միանգամից հայտարարեց, որ Արամ Նազարյանն է խփել ու հետո ինքնասպան եղել: Եվ հիմա լկտիաբար հայտարարում է, թե ինքը չի միջամտել դատական պրոցեսներին. դրանից լավ միջամտությո՞ւն՝ էլ ո՞ր մի քննիչը ռիսկ կաներ դրանից հետո այլ ուղղությամբ տանել գործը: Այդպես էլ փակվեց այդ գործը»:
Տիգրան Բաղդասարյանը նկատեց, որ Ռոբերտ Քոչարյանը դատական պրոցեսին միջամտում է մինչև այսօր. «Նա այլ ճանապարհ չունի, նա դեմ է գնում պետությանը, որովհետև չի սիրում պետություն, պետականություն՝ սիրում է բանդիտական կառավարում»:
Հովհաննես Հարությունյանն էլ համոզված է, որ Ռոբերտ Քոչարյանի վրա «գործ կարելու» կարիք չկա. «Վերցրեք Քրեական օրենսգիրքը, մի քանի հոդված հանեք միջից, մնացածն իր հագով է»:
Անդրադառնալով դատարանում Ռոբերտ Քոչարյանի օգտագործած բառապաշարին՝ մեր զրուցակիցն ասաց. «Դա նրա տեսակն է՝ ինքը երբեք քաղաքական գործիչ, երկրի ղեկավար չի եղել: Ընդամենը խոպան է եկել՝ իր հետ բերելով բրիգադ, ու սկսել են մեր երկիրը քանդել»:
Հարցազրույցն ամբողջությամբ՝ տեսանյութում:
