Բրիտանական Mind կազմակերպության մասնագետները հարցում են անցկացրել և պարզել, որ մարդկանց մեծ մասն իրենց աշխատանքը ընկալում են որպես հիմնական սթրեսի աղբյուր:
Հետազոտողները նաև պարզել են, որ երիտասարդ գրասենյակային աշխատողների գրեթե կեսի մոտ աշխատանքային առաջին տարում քաշի զգալի ավելացում է նկատվում:
Բացի դրանից, հոգնածություն և տեսողության նկատելի վատացում է հաճախ նկատվում համակարգչի դիմաց նստած գրասենյակային աշխատողների մոտ:
Գրասենյակային աշխատողների հիմնական խնդիրներից են ողնաշարի հետ կապված հիվանդությունները, որի հետևանքով ցավեր են առաջանում պարանոցի, թիակների և գոտկատեղի հատվածներում:
Հետազոտողները պնդում են, որ գրասենյակում հինգ տարի աշխատելուց հետո մարդու մոտ կարող է զարգացնալ թրոմբոզ, աթերոսկլերոզ և թութք: Դա պայմանավորված է սննդակարգով, նստակյաց կենսակերպի հետ կապված քաշի ավելացումով: Տասը տարի անց, գրասենյակային աշխատողների մոտ կարող են ի հայտ գալ գաստրիտ, իմպոտենցիա և 2-րդ տիպի շաքարախտ: Պատճառները նույնն են՝ անառողջ սննդակարգը և նստակյաց կենսակերպը, հաղորդում է Health պորտալը:
