Շակիրան իր ձգված կազմվածքը ցուցադրել է Women’s Health ամսագրի ապրիլյան համարի շապիկին: Պարբերականին տված հարցազրույցում երգչուհին կիսվել է գեղեցկության իր գաղտնիքներով, ինչպես նաև պատմել է Ժերար Պիկեի հետ հարաբերությունների մասին:
Շակիրան հայտնել է, որ փորձում է առողջ սննդով սնվել և մարզվել, երբեմն, հոգնում է մարզասրահում մարզվելուց: Այդ պատճառով էլ բոլորովին վերջերս սկսել է զբաղվել սպորտով՝ սահք, թենիս, բասկետբոլ և լող: Նրա խոսքերով՝ հարկավոր է միշտ ինչ-որ նոր բան փորձել: Բազմազանությունն ամենակարևորն է:
«Կարծում եմ, որպեսզի հարաբերություններում կիրք լինի, պետք է միասին ուրախ լինել: Երբեմն ուղղակի հարկավոր է միասին ծիծաղել: Կարևոր է նաև հոգևոր միասնությունը. դուք պետք է միանման ձգտումներ ունենաք և ցանկանաք պահել այդ հարաբերությունները: Այժմ ես շատ երջանիկ եմ, քանի որ իմ կողքին գտնվող մարդը ցանկանում է այն, ինչ ես եմ ցանկանում, դա շատ կարևոր է»:
«Հաճախ են հարցնում՝ ինչպես է ինձ հաջողվում սեքսուալ երևալ: Սեքսուալությունը մտածելակերպ է: Եթե դու խաղաղ ես ինքդ քեզ հետ, գոհ ես կյանքից, կարծում եմ՝ դու ճառագում ես դա: Անկեղծ ժպիտից ավելի գրավիչ ոչինչ չկա»:
«Սիրում եմ սերիալներ դիտել, դա իմ թուլությունն է: Կյանքս այնքան հագեցած է, գլուխս անընդհատ զբաղված, այդ պատճառով էլ ինչ-որ թեթև բանի կարիք եմ զգում»,- երգչուհու խոսքերն է փոխանցում spletnik.ru-ն:
