Բոլիվիայի ոստիկանությունը դժվար հասանելի տեղանքում հայտնաբերել է իսպանացի 9-ամյա աղջկան, ում Պիրինեայից դուրս էր բերել Հարավային Ամերիկայի բնակիչը: Մուսուլման տղամարդը մտադիր էր ամուսնանալ տուժածի հետ:
Ինչպես հաղորդում է The Local-ը, 9-ամյա աղջիկը ծնողների հետ, ովքեր մարոկացի ներգաղթյալներ են, բնակվել է Օպիտալետ դե Լեբրեգատ (Կատալոնիա) քաղաքում: Այստեղ նա ծանոթացել է ծնունդով Բոլիվիայից 35-ամյա Գրովեր Մորալեսի հետ:
2013թ. օգոստոսին լատինաամերիկացին աղջկան առաջարկել է համատեղ ճամփորդել իր հայրենիք: Երեխայի ծնողները տվել են իրենց համաձայնությունը: Թռիչքից մի քանի օր հետո Մորալեսի և աղջկա հետ կապը կորել է, որից հետո իսպանացի զույգը դիմել է ոստիկանություն:
Յոթ ամիս անց «զբոսաշրջիկները» հայտնաբերվել են Ամազոնի ջունգլիում: Ձերբակալությունից հետո Մորալեսը հայտարարել է, որ վերջերս իսլամ է ընդունել, իսկ աղջկա ծնողներն իբրև համաձայն էին, որ իրենք ամուսնանան: Մոտակա ժամանակներս աղջկան կտեղափոխեն Իսպանիա:
