Հեղափոխությունից հետո ականատես ենք լինում փոփոխությունների բոլոր ոլորտներում, մշակույթի ոլորտը բացառություն չէ: Թեմայի շուրջ «Առաջին լրատվական»-ը զրուցեց կինոռեժիսոր Հովհաննես Գալստյանի հետ:
«Տատիկիս վարսերը» կիոնանախագծի հետ կապված դատական գործընթացը դեռ չի ավարտվել։ Երկու օր առաջ տեղի է ունեցել 4-րդ նիստը, տեխնիկական պատճառով դատը հետաձգվել է: Այս մասին «Առաջին լրատվական»-ի հետ զրույցում նշեց կինոռեժիսորը։ Հիշեցնենք, որ «Տատիկիս վարսերը» հայ-բուլղար-գերմանական կինոնախագիծը հայկական կողմից չֆինանսավորելու պատճառով կինոռեժիսորը երկու անգամ արդեն հացադուլ, անգամ ջրադուլ է իրականացրել և դատի է տվել Ազգային կինոկենտրոնին և մշակույթի նախարարությանը:
Երկրորդ հացադուլի ժամանակ՝ փետրվարի վերջին, Կրթության և գիտության նախարար Արայիկ Հարությունյանը խոստացել էր բանակցությունների միջոցով լուծել հարցը, որպեսզի ՀՀ մշակույթի նախարարությունը և Ազգային կինոկենտրոնը կատարեն իրենց պարտականությունները։
Ռեժիսորի հավաստմամբ՝ մշակույթի նախարարության իրավաբանական վարչության պետը եզրակացություն է տվել, որ նախարարությունն օրենք է խախտել, և պետք է հայտը բավարարվի: «Դատը առաջ է գնում վարչական և քաղաքացիական դատարաններով: Մինչև վերջ գնալու ենք… Պետք է պատասխան տան, որպեսզի որևէ չինովնիկի մտքով չանցնի, որ կարող է ստեղծագործողի ճանապարհը փակել»:
Մանրամասն՝ տեսանյութում:
