Այսօր՝ մայիսի 31-ին, Ազգային ժողովում շարունակվում են աշխատանքները: Պետական տուրքի մասին օրենքում փոփոխություններ կատարելու հարցի քննարկմանը «Լուսավոր Հայաստան» խմբակցության պատգամավոր Մանե Թանդիլյանը հայտարարեց. «Մենք փաստացի 1-ինից 2-րդ ընթերցմամբ 22 հազարը դարձնում ենք 14 հազար՝ 40 տոկոսի տարբերություն: Հարց է առաջանում՝ այդքան ամիս ի՞նչ էինք հաշվարկել, որ 22 հազար էր»:
Նրա խոսքով՝ սա վկայում է այն մասին, որ պետական տուրքը բարձրացվում է առանց դրա գոյացման մեխանիզմին ուշադրություն դարձվելու:
«Ցավով պետք է ասեմ, բայց, պարոն Խաչատրյան, Դուք գնացիք հարցի լուծման վատագույն տարբերակով՝ մրցակցությունը խաթարելու ճանապարհով գնացիք, փոխարենը աջակցելու տեղական արտադրողին՝ աջակցման ճանապարհով գնալու, արտոնություն տրամադրելու»,- նշեց Մանե Թանդիլյանը:
Նրա խոսքով՝ Հարկային օրենսգրքի դրույթի փոփոխմամբ յուրաքանչյուր պատգամավոր կարող է հանդես գալ օրենսդրական նախաձեռնությամբ, բարձրացնել պետական տուրք կամ հարկ, և հաջորդ օրվանից դա մտնի ուժի մեջ. «Սա անթույլատրելի է: Հարկային փոփոխություններով ևս հնարավոր է լինելու բարձրացնել հարկային տոկոսադրույք»:
Մանրամասները՝ տեսանյութում:
