Ամերիկացի սուպերմոդել Սինդի Քրոուֆորդն ու նրա ամուսինը՝ Ռենդի Գերբերը միասին են արդեն 21 տարի: Բազմաթիվ հարցազրույցներում հավերժ երիտասարդ մանեկենուհին բազմիցս խոստովանել է, որ իր կյանքը չի պատկերացնում առանց ամուսնու և երախտապարտ է նրան իրենց համատեղ կյանքի բոլոր երջանիկ պահերի համար:
Իրենց ընտանեկան տոնի առթիվ հայտնի գեղեցկուհին որոշել է ևս մեկ անգամ սիրո խոստովանություն անել իր կյանքի ուղեկցին: Այսպես, Սինդին գործարար Ռենդիին նվիրված հուզիչ գրառում և արխիվային լուսանկար է հրապարակել Instagram-ում:
«Ես անչափ երջանիկ եմ մեր ամուսնության 21-ամյակը տոնելու համար: Շնորհավորում եմ Ռենդի: Չեմ կարող պատկերացնել այս ճանապարհորդությունն ուրիշ ոչ մեկի հետ: Ես սիրում եմ քեզ»,- հուզիչ գրառում է արել մոդելը:
Նրա ամուսինն անմիջապես արձագանքել է կնոջ խոստովանությանը և նույնպես լուսանկար հրապարակել ընտանեկան արխիվից:
«Ես ոչ միայն ընտրել եմ աշխարհի ամենագեղեցիկ աղջկան, այլև նրան, ով իմ աշխարհն ավելի գեղեցիկ դարձրեց: Շնորհավորում եմ, իմ հրեշտակ»,- գրել է Ռենդին:
