Փորձագետները անվանել են բժիշկների խորհուրդները, որոնք բացարձակ անօգուտ են հիվանդների համար, գրում է Federal News Agency-ն:
Փորձագետների տեսանկյունից հայտնի մանտուն չթրջելու խորհուրդն անիմաստ է, քանի որ պատվաստանյութը ներարկվում է մաշկի ստորին շերտերը, ուստի ջուրը չի կարող ազդեցություն ունենալ ներարկման վրա:
Կասկածելի է նաև օրական 8 բաժակ ջուր խմելու խորհուրդը, քանի որ օրգանիզմում ջրի ծավալը խիստ անհատական է՝ հաշվի առնելով մարմնի քաշը և այլ ցուցանիշներ:
Ցանկում են հայտնվել նաև լեզվի համային գոտիների մասին առասպելներն, ըստ որի դրանցից յուրաքանչյուրը պատասխանատու է աղի, քաղցր, դառը և թթու համերի ճանաչման համար, ինչպես նաև անօգուտ է համարվել պարտադիր նախաճաշի վերաբերյալ խորհուրդը:
Փորձագետների կարծիքով, համակարգչի կամ հեռուստացույցի առաջ երկար մնալուց տեսողությունը չի փչանում, դա միայն աչքերի լարվածություն է առաջացնում: Առաջարկվող հակավիրուսային դեղամիջոցները նույնպես անօգուտ են ճանաչվել, քանի որ դրանք չեն նպաստում օրգանիզմի արագ վերականգնմանը:
