Ամեն տարի Աֆղանստանում արտադրվում է հերոինի 150 մլրդ մեկանգամյա չափաբաժին: Այս մասին հայտնել է ՌԴ թմրանյութերի շրջանառության վերահսկողության ղեկավար Վիկտոր Իվանովը Պետական հակաթմրանյութային կոմիտեի նիստում, գրում է ITAR-TASS-ը:
«Ամեն տարի Աֆղանստանում արտադրվում է 150 մլրդ մեկանգամյա չափաբաժին, որը մինչև 25 անգամ շատ է երկրագնդի բնակչության թվաքանակից, չխոսելով արդեն 3 հազար տոննա մաքուր հերոինի 3 տրլն մեկանգամյա օգտագործման չափաբաժնի մասին, որը պահեստավորվում է Ռուսաստանի անմիջական հարևանությամբ գտնվող պահեստարաններում»,- ասել է Իվանովը:
Նրա խոսքով՝ «աշխարհը կանգնած է Աֆղանստանում արտակարգ իրավիճակի շեմին, որտեղից դուրս են բերվում այսպես կոչված Անվտանգության համագործակցության միջազգային ուժերը, իսկ իրականում՝ ՆԱՏՕ-ն, որը 2003թ. օգոստոսի 11-ին ինքնակամ իր ստանձնել է այդ ուժերի հրամանատարությունը, որտեղ աշխարհին ու Ռուսաստանին որպես ժառանգություն է մնում մոլորակի մասշտաբներով թմրարտադրությունը»:
Նա հիշեցրել է, որ 2001-ից ՄԱԿ-ը Աֆղանստանում արձանագրում է թմրարտադրության աղետալի աճ երկրում: Հերոինի արտադրության ծավալները ավելացել են ավելի քան 40 անգամ:
Իվանովը հավելել է, որ ԱՄՆ-ն ու ՆԱՏՕ-ն ուղղակի պատասխանատվություն են կրում Աֆղանստանում թմրարտադրության աղետալի աճի համար:
