Տարանտո քաղաքի բժիշկները եզակի վիրահատություն են կատարել: 23-ամյա հիվանդը, որի մոտ գլխուղեղի ուռուցք է ախտորոշվել, վիրահատության ընթացքում ջութակ է նվագել, հաղորդում է ANSA-ն:
Բժիշկները բացատրել են, որ ուռուցքի առանձնահատկությունը պահանջել է, որ հիվանդը վիրահատության ընթացքում պահպանի գիտակցությունը: Կիրառվել է տեղային անզգայացման բարդ մեթոդը: «Այս տեխնիկան օգտագործվում է այն դեպքերում, երբ վիրահատության ընթացքում մի շարք նյարդաբանական գործառույթների խախտման վտանգ կա, օրինակ, խոսքի կամ կոորդինացիայի: Վիրահատության ընթացքում պահանջվում է հիվանդի պատասխան ռեակցիան, նրա մասնակցությունը գործընթացին»,- բացատրել են բժիշկները:
Երիտասարդ կինը պրոֆեսիոնալ ջութակահար է: Համերգի ավարտից հետո նրա ինքնազգացումը վատացել է և նրան հիվանդանոց են տեղափոխել: Կնոջ մոտ գլխուղեղի ուռուցք է ախտորոշվել, որը չնայած ուղեղի կարևոր կենտրոնները շոշափող բարդ տեղադրվածությանը, հնարավոր է եղել վիրահատել:
5 ժամ տևողությամբ վիրահատությունը բարեհաջող է անցել:
