Ամերիկացի դերասանուհի Ֆեյ Մաքենզին մահացել է Լոս Անջելեսում, իր տանը:
Նա 101 տարեկան էր: Մահը վրա է հասել քնած ժամանակ 2019-ի ապրիլի 16-ին, գրում է The Hollywood Reporter-ը: Դերասանուհին հայտնի է վեսթեռն ֆիլմերում իր գլխավոր դերերով, որտեղ նրա խաղընկերն է եղել նաև Ջին Օթրին:
Մաքենզին նաև նկարահանվել է «Նախաճաշ Տիֆանիի մոտ» ֆիլմի դրվագում լեգենդար Օդրի Հեփբյորնի հետ:
Դերասանուհին ծնվել է ստեղծագործական ընտանիքում: Նրա ծնողները, Ռոբերտ Մաքենզին և Իվ Մաքենզին, նույնպես դերասաններ էին:
Էկրանին ֆեյն առաջին անգամ հայտնվել է փոքր հասակում՝ «Աբրահամ Լինքոլնի դրամատիկ կյանքը» համր ժապավենում (1924 թ.):
