«Իշխանափոխության միջավայրը, պահանջարկը վաղուց կար, դա նոր բան չի: Դա սկսվել է դեռևս 2003-ին, գուցե ավելի շուտ: Պարբերաբար այդ պրոցեսը ընդդիմությունը հասարակության հետ տարել է ու ավարտել անհաջողությամբ: Հիմա որ 4 այսպես կոչված ոչ իշխանական ուժերով փորձում են կառավարություն փոխել…ես ինչքան հասկացա, իրենց նպատակը կառավարությունը փոխելն է, ապա ասեմ, որ վարչապետին փոխելը դեռևս իշխանափոխություն չի նշանակում: Ավելին, ես կարծում եմ՝ ոչ մի բան չի նշանակում»,- Aravot.am-ի հետ զրույցում մեկնաբանելով ՀԱԿ-ի այսօրվա հանրահավաքում Լևոն Տեր-Պետրոսյանի ելույթը՝ ասել է ՀԱԿ դաշինքի նախկին անդամ, «Ժողովրդավարական հայրենիք» կուսակցության նախագահ Պետրոս Մակեյանը:
Նա հայտարարել է, որ ՀԱԿ կուսակցությունը այսօր կրկին հիասթափեցրել ու մոլորեցրել է ժողովրդին. «Ես ինֆորմացված եմ, որ իրենք մարզերում ներկայացրել են, թե սկսվելու է իշխանափոխությունը, Մայդանն այսօրվանից սկսվելու է Հայաստանում: Այդ բանի տակ ժողովրդին տեղափոխել են Երևան: Հիմա ո՞նց են իրենք մարսելու: Չնայած մարսելու խնդիր չի, այս 3 տարի է՝ իրենք ժողովրդի տրամադրության մեջ մտցրել են, ժողովուրդն էլ ստիպված եկել է՝ մտածելով որ կարող է ինչ-որ բան փոխվի»:
Մանրամասները՝ aravot.am-ում
Լուսանկարը` PAN Photo-ի
