Լուրեր
Բացահայտե՛ք ձեր շահերի բախումը. Էդմոն Մարուքյանը՝ ԲՀԿ-ին և «Իմ քայլին»
  • 13:06
  • 2019-04-19
  • Դիտումներ՝ *

Այսօր՝ ապրիլի 19-ին, Ազգային ժողովում շարունակվում են աշխատանքները: Այժմ քննարկվում է Պետական տուրքի մասին օրենքում փոփոխություն կատարելու մասին հարցը:

«Լուսավոր Հայաստան» խմբակցության ղեկավար Էդմոն Մարուքյանը հայտարարեց. «Մենք բացահայտել ենք 3 կողմ՝ կառավարություն, ԲՀԿ, «Իմ քայլ»: Եվ կա 4-րդ կողմ» «Լուսավոր Հայաստանը», որ ուզում է հասկանալ, թե ինչ է կատարվում»:

Նրա խոսքով՝ իրենք պետք է տան քաղաքական գնահատական. «Օրենքը պետք է հետ կանչել և լսումներով հասկանալ խնդրի էությունը: Քաղաքական ուժերն ունեն շահերի բախում, որի դեպքում, ըստ օրենքի, պատգամավորը պարտավոր է հանդես գալ հայտարարությամբ՝ չփորձելով լոբբինգ անել: Բացահայտե՛ք ձեր շահերի բախումը, և եկեք հարգենք մեր Սահմանադրությունը»:

Էդմոն Մարուքյանը ընդգծեց՝ մեզ համար կարևորը քաղաքացու շահն է, բայց նաև քաղաքական հարց կա:

Նա տեղեկացրեց, որ իրենց խմբակցությունը դեմ է քվեարկելու այս որոշմանը. «Առաջարկում ենք մեծ քննարկում»:

 

Մանրամասները՝ տեսանյութում:

  • Դիտումներ՝ *