Այսօր՝ ապրիլի 19-ին, Ազգային ժողովում շարունակվում են աշխատանքները: Այժմ քննարկվում է Պետական տուրքի մասին օրենքում փոփոխություն կատարելու մասին հարցը:
«Լուսավոր Հայաստան» խմբակցության պատգամավոր Մանե Թանդիլյանը հայտարարեց, որ այս օրենքը ազդեցություն է ունենալու մեր քաղաքացիների կյանքի, շինարարության վրա. «Ուստի այստեղ պետք է զերծ մնալ քաղաքական շահերի բախումից: Ինձ մտահոգում է այն, որ մենք պետական տուրքի միջոցով լուծում ենք ներմուծման խնդիր»:
Նրա խոսքով՝ սա որևէ աղերս չունի պետական տուրքի օրենսդրության հետ, կարելի էր հարցը լուծել ակցիզային հարկի միջոցով:
Պատգամավորը հարց բարձրացրեց՝ ինչպե՞ս ենք պատրաստվում խեղաթյուրել Հարկային օրենսգիրքը, ազդել մեր ներդրումային դաշտի վրա. «Սա վտանգավոր մոտեցում է»:
Նա ընդգծեց՝ ՊԵԿ-ը պետք է բացատրի, թե ինչ վնաս է տվել մեր տնտեսությանը:
«Տեղական արտադրողը 75 տոկոս բաժնեմասով լյուքսեմբուրգյան ընկերություն է, և ուզում եմ մեզ տեղեկացնեք՝ ով է այս ընկերության վերջնական փայատերը, որքանով է այն տեղական արտադրող համարվում»,- նշեց Մանե Թանդիլյանը:
Մանրամասները՝ տեսանյութում: