Չինաստանի Չունցին քաղաքում ձերբակալել են մի տղամարդու, որը վրեժ է լուծել վարսահարդարից՝ վատ կտրվածքի համար, հաղորդում է South China Morning Post-ը:
Տեսահսկման տեսախցիկի տեսագրությունից երևում է, թե ինչպես է դժգոհ հաճախորդը բողոքում սանրվածքից: «Ահա այն ոճը, որն ուզում էի, – նա ցույց է տալիս բջջային հեռախոսի էկրանի լուսանկարը: – Իսկ հիմա նայիր այստեղ: Ես ինքս կկտրեմ քո մազերը»: Այս խոսքերով, տղամարդը վարսահարդարին նստեցնում է և սկսում «վարսահարդարումը»: Վերջինս մի քանի րոպե անց կարողանում է փախչել:
Վարսահարդարը ոստիկանություն է դիմել և դժգոհել կամայականությունից: Նրա խոսքերով, հարկադիր կտրվածքի ժամանակ նրա գլխի մաշկը վնասվել է, գրում է Newsflare-ը: Հաճախորդին ձերբակալել են և մեղադրել հարձակման մեջ:
