Ֆրանսիայի Նապոլեոն Ш կայսեր գծով գահաժառանգի կնոջ ավտոմեքենայից հափշտակել են խոշոր ադամանդով ոսկե մատանին, հաղորդում է Parisen պարբերականը։
Նշվում է, որ անհայտ անձինք հափշտակել են ադամանդե մատանին և բանկային քարտերը՝ Փարիզի Դոֆին փողոցում կայանած ավտոմեքենայից։
Հանցագործները նաև տարել են նոթբուքը և անձը հաստատող փաստաթուղթը։ Գործի առթիվ հետաքննություն է սկսվել։
Մատանին արժե շուրջ 1 մլն եվրո։ Պարբերականը նշում է նաև, որ 40 կարատ կշռող մատանու քարը Ֆրանսիայի վերջին կայսրուհու՝ Նապոլեոն III-ի կնոջ թագի մասն է կազմել։
Ժան-Քրիստոֆ Նապոլեոնը Ֆրանսիայի գահաժառանգ է Նապոլեոն Բոնապարտի գծով։ Նա աշխատում է Լոնդոնի ներդրումային հիմանդրամում և գահաժառանգի պարտականությունները կատարում տարեկան մեկ անգամ՝ մայիսի 5-ին, Նապոլեոն I-ի մահվան օրը։
