Հռոմի պապ Ֆրանցիսկոսը մեկնաբանել է այն փաստը, որ կատալոնական «Բարսելոնայի» երկրպագուները Լիոնել Մեսիին համեմատում են Աստծո հետ, հաղորդում է «Սովետսկի սպորտը»:
Կաթոլիկ եկեղեցու ղեկավարը բարձր է գնահատել հարձակվողի գործողությունները դաշտում:
«Մարդիկ ասում են, որ Մեսին Աստված է: Տեսականորեն դա սրբապղծություն է: Չի կարելի նման բան ասել կամ հավատալ դրան: Ես, օրինակ, չեմ հավատում: Նրանք կարող են Մեսիին համեմատել Աստծո հետ որպես հիացմունքի նշան, բայց պետք չէ երկրպագել նրան: Մեսին շատ լավն է, բայց նա Աստված չէ»,- պապի խոսքերը մեջբերում է Marca-ն:
Հռոմի պապ Ֆրանցիսկոսը հայտնի է որպես ֆուտբոլի մեծ սիրահար: Նա արգենտինական «Սան Լորենցոյի» երկրպագու է:
