Հայաստանի իշխանությունը կադրային քաղց ունի։ «Առաջին լրատվական»-ի հետ զրույցում այդ մասին ասել է քաղաքագետ Գագիկ Համբարյանը։
Խոսելով կառավարության կառուցվածքային փոփոխությունների մասին՝ քաղաքագետը նշեց, որ ինքն էլ համաձայն է, որ նախարարությունների թիվը նվազի։ «Բայց խնդիրը հետևյալն է, թե ինչի հաշվին պակասեցրեց։ Լիկվիդացվում են այնպիսի գերատեսչություններ, որոնց գործունեությունը շատ կարևոր են մեր երկրի համար։ Առաջինը գյուղատնտեսության նախարարությունն է, ապա մշակույթի նախարարությունը։ Միևնույն ժամանակ կա էկոնոմիկայի նախարարությունը, մինչ բոլորն էլ գիտեն, որ Հայաստանը էկոնոմիկա չունի»,- ասել է Համբարյանը՝ նաև տարակուսանք հայտնելով բարձր տեխնոլոգիաների նախարարություն ստեղծելու հանգամանքով․ «Գյուղատնտեսության նախարարությունից կախված է մեր սննդի, պարենային անվտանգության հարցը, մինչդեռ վերացնում են։ Նույնն էլ մշակույթի նախարարության մասով։ Հիմա կարող են ասել, ո Ամերիկան էլ չունի մշակույթի նախարարություն, բայց Ամերիկան մշակույթ չունեցող երկիր է։ Մենք մինչև ո՞ւր եք այս իներցիոն գործունեությամբ գնալու»։
Համբարյանը կողմ է սպորտի, սփյուռքի նախարարությունների օպտիմալացմանը, բայց ոչ գյուղատնտեսության, մշակույթի նախարարությունների օպտիմալացմանը։ «Նաև պետք է հասկանալ, որ օպտիմալացումով գործազրկության հարց է առաջ գալիս, և իշխանությունը պետք է այդ հարցն էլ լուծի»,- ասել է նա։
«Կառավարությունն ուղղակիորեն կադրային քաղց ունի։ Տարակուսելին այն է, որ իշխանությունները, ընդունելով, որ կադրային խնդիրներ ունեն, ոչինչ չեն ձեռնարկում այդ խնդիրը լուծելու համար։ Նախարարները քաղաքական պաշտոններ են, իսկ աշխատանքը հիմնականում ընկած է եղել փոխնախարարների վրա, որոնք պրոֆեսիոնալներ են։ Ով էլ եկել է Հայաստանում իշխանության, աշխատել է չկպնել այդ ինստիտուտին։ Նոր իշխանությունը եկավ և փոխնախարարներ նշանակեց մարդկանց, որոնք ոլորտից ոչ միայն տեղյակ չեն, այլ հազարավոր կիլոմետրեր հեռու են։ Դրա արդյունքում ունենք, ինչ ունենք։ Ունենք կոկորդիլոսը թռչունից չտարբերող մարզպետ, Հայաստանի հիմնի մասին որևէ տեղեկություններ չունեցող պատգամավորներ, բանսարկու փոխնախարարներ, պատվեր կատարող նախարարներ, չտես պաշտոնյաներ, որոնք աղքատ երկրում կարող են իրենց միլիոնավոր դրամների պարգևավճարներ տալ։
Համբարյանը նշել է, որ եթե Նիկոլ Փաշինյանի իշխանությունը շարունակի առաջնորդվել «Վատն է, բայց իմն է» կարգախոսով, երկիրը կտանեն տարրական կործանման։ «Այս մակարդակի բարձր, միջին պղակի պաշտոնյաներով որևէ հաջողությունների չեն հասնելու։ Ինձ հետաքրքիր է՝ բացի կոռուպցիայի դեմ պայքարից, որի հաջողություններն էլ ակսկածելի են, ինչ հաջողությունների են հասել։ Անցել է 11 ամիս թավշյա հեղափոխոթյունից հետո։ և դրա արդյուքնում հայաստանը դարձել է լաբորատոր առնետ, որի վրա իր թիմակիցները փորձեր են կատարում։ Անցան, անցավ, չանցավ՝ չանցավ»,- ասել է Գագիկ Համբարյանը։
«Կամ կառավարությունը պետք է արագացված բարեփոխումներ կատարի, կամ հետընթաց ենք ապրելու»,- նշել է Համբարյանը։ Նա նկատել է, որ «ասֆալտն փռելու, պատերին» ծեփելու սպառնալիքները վանում են ներդրողներին, Շիրակի մարզում էլ ահռելի մեծացել են արտագաղթի տեմպերը։
«Եթե Սերժ Սարգսյանի իշխանությանը 4-5 տարի էր պետք հասարակությունից կտրվելու համար, այս իշխանությունից 10 ամիս պահանջվեց»,- նկատել է քաղաքագետը։
