Մշակութային հանրությունը լայնորեն քննարկում է մշակույթի նախարարի պաշտոնակատար Նազենի Ղարիբյանի որոշումը Ա. Սպենդիարյանի անվան Օպերայի և բալետի ազգային թատրոնի տնօրենի պաշտոնից Կոնստանտին Օրբելյանին ազատելու մասին: Կ. Օրբելյանը մամուլի ասուլիսում հայտարարել է, որ պատրաստվում է դատարանում բողոքարկել այս որոշումը:
Թեմայի շուրջ «Առաջին լրատվական»-ի հետ զրույցում գրող, թարգմանիչ, մշակույթի նախկին նախարար Հակոբ Մովսեսը նշեց. «Որոշման օրինական հիմքերին չեմ տիրապետում, բայց Կոնստանտին Օրբելյանին համակրում եմ, լավ երաժիշտ է, լավ մասնագետ, նրա ներկայությամբ օպերայի խաղացանկը ակտիվացել է և որակը շատ բարձրացել է»:
Ես տեղյակ չեմ Օրբելյանի և մշակույթի նախարարության հարաբերությունների մասին, չգիտեմ կոլեկտիվն ինչ վերաբերմունք ունի տնօրենի, գեղարվեստական ղեկավարի հանդեպ, բայց այդպիսի հսկայական կառույցը, աներկբա է, որ պետք է ունենա տնօրեն, իսկ գեղարվեստական ղեկավարի պաշտոնն անցյալի մնացուկ է: Եթե նախարարի պաշտոնակատարը համաձայնի, որ Կ. Օրբելյանը մնա տնօրենի պաշտոնում և նշանակի նոր գեղարվեստական ղեկավար, ես դա կհամարեմ շատ մեծ սխալ, եթե ուզում են համակարգը փոխել, ապա այդտեղ քննարկելու հարց կա»:
Հակոբ Մովսեսի խոսքով՝ ՀՀ մշակույթը պետական, գերատեսչական ղեկավարման կարիք չունի:
Մանրամասն՝ տեսանյութում:
