Ամերիկուհի Մարիսա Բրիստոլը 2017թ․ նամակ է ստացել, որտեղ խնդրվում էր վճարում կատարել սառեցված էմբրիոնի պահպանման համար, որի գոյության մասին կինը պատկերացում անգամ չի ունեցել՝ գրում է CBS News-ը։
Պարզվել է, որ 2003թ․ Մարիսան իր նախկին ամուսնու հետ արհեստական բեղմնավորման կուրս է անցել, սակայն ապարդյուն։ Դրանից հետո զույգը այլևս չի փորձել այդ ճանապարհով երեխա ունենալ։
Անակնկալի եկած կինը պատրաստվում է դատարան դիմել և հիվանդանոցից պարզաբանում ստանալ, թե ինչու 13 տարի շարունակ ինքը անտեղյակ է եղել էմբրիոնի գոյության մասին։
«Դա վերաբերում է ոչ միայն ինձ, դա ազդում է իմ ընտանիքի վրա, իմ որդու վրա։ Բժիշկները պետք է հասկանան, որ դա կահույքի մաս չէ, այլ մարդկային կյանք։ Ես սգում եմ երեխայի համար, որ կարող էր ծնվել, բայց ես արդեն դա չեմ անի»,- ասել է կինը։
