«Ռեստարտ» նախաձեռնության 2 անդամներին մեղադրանք է առաջադրվել։ Այդ մասին լրատվամիջոցներին հայտնել են գլխավոր դատախազության հանրային կապերի բաժնից։
««Ռեստարտ» նախաձեռնության անդամներ Դավիթ Պետրոսյանին և Դավիթ Սիմոնյանին մեղադրանք է առաջադրվել՝ ՀՀ ՔՕ-ի 34-131 հոդվածի 2-րդ մասի 1-ին կետի հատկանիշներով՝ մի խումբ անձանց կողմից նախնական համաձայնությամբ առևանգման փորձ կատարելու հատկանիշներով»,- ասել է Արևիկ Խաչատրյանը:
«Ռեստարտի» ևս չորս անդամի՝ Արամայիս Պետրոսյանի, Գարիկ Միսկարյանի, Յուրի Ավագյանի, Հրաչյա Խլղաթյանի նկատմամբ, նույն գործի շրջանակում խափանման միջոց է ընտրվել չհեռանալու մասին ստորագրությունը:
Հիշեցնենք, որ օրերես Նարեկ Մալյանը հայտնել էր, որ «Ռեստարտի» տղաները մոտեցել են իրեն, քաշքշել, ճանկռել, իսկ մի քանի րոպե անց մոտեցել են ոստիկանության աշխատակիցներն ու միջադեպի բոլոր մասնակիցներին բերման ենթարկել Կենտրոնի ոստիկանություն:
«Ռեստարտի» անդամներն էլ իրենց հերթին հրապարակել էին Նարեկ Մալյանին աղբարկղ նետելու փորձի տեսանյութը։
