Ուզեբկստանի նախագահ Իսլամ Քարիմովի դուստրը՝ Գյուլնարան, որը դեռևս տնային կալանքի ներքո էր, ընդհանուր ռեժիմի մեկուսարան է տեղափոխվել։ Այս մասին հաղորդում է երկրի գլխավոր դատախազության մամուլի ծառայությունը։
Նշվում է, որ պատիժը կրելու ընթացքում Քարիմովան խախտել է դատարանի սահմանած պարտավորվածությունները (կամավոր լքել է բնակարանը, բազմիցս օգտվել համացանցից և խոչընդոտել իր հասցրած վնասը պետությանը փոխհատուցելու հարցում)։
Տաշքենդի Յաշնաբադի շրջանային դատարանը Քարիմովային ընդհանուր ռեժիմի ուղղիչ հաստատություն տեղափոխելու որոշում է կայացրել՝ պատժաժամկետն այնտեղ սպառելու համար։
Հիշեցնենք․ Քարիմովայի դեմ քրեական գործ է հարուցվել 2013-ի հոկտեմբերին՝ կապված փողեր լվացող հանցախմբին նրա մասնակցության հետ։
