Այսօր՝ մարտի 5-ին, ԱԺ-ում մեկնարկում է 7-րդ գումարման 2-րդ նստաշրջանը: Այժմ քննարկվում է 2018թ. դեկտեմբերի 9-ի արտահերթ խորհրդարանական ընտրությունների մասին ԿԸՀ գործունեության մասին հաղորդումը:
Դիմելով ԿԸՀ նախագահ Տիգրան Մուկուչյանին՝ «Իմ քայլը» խմբակցության պատգամավոր Սարգիս Խանդանյանն ասաց. «Դուք 2011 թվականից զբաղեցնում եք ԿԸՀ նախագահի պաշտոնը: Ինձ հետաքրքիր է՝ ավելի հեշտ է կազմակերպել ընտրություններ, որոնց արդյունքները նախապես հայտնի են և ուղեկցվում են ընտրական խախտումներո՞վ, թե՞ ավելի բարդ էր կազմակերպել վերջին արտահերթ ընտրությունները, որոնց արդյունքները, ինչպես դուք ասացիք, չվիճարկվեցին»:
Ի պատասխան՝ Տիգրան Մուկուչյանն ասաց. «Երբևէ ընտրությունների արդյունքները նախապես հայտնի չեն լինում»:
Հակադարձելով՝ պատգամավորը հարցրեց. «Դուք իսկապե՞ս պնդում եք, որ մինչև 2017թ. տեղի ունեցած ընտրությունների արդյունքները իսկապես արտահայտել են ՀՀ քաղաքացիների կամքը»:
Մանրամասները՝ տեսանյութում:
