Էրդողանը պատասխանել է Գուայդոյի՝ Վենեսուելայից պաշտոնյաների փախուստի վերաբերյալ հայտարարությանը

Թուրքիայի նախագահ Ռեջեփ Թայիփ Էրդողանը մեկնաբանել է Վենեսուելայի ընդդիմության առաջնորդ Խուան Գուայդոյի հայտարարությունը՝ հանրապետությունից պաշտոնյաների Թուրքիա փախչելու վերաբերյալ։ Այս մասին հաղորդում է «ՌԻԱ Նովոստի»-ն։

«Ոչ ոք չի փախել Վենեսուելայից՝ իմ երկրում թաքնվելու համար»,-ասել է Էրդողանը։

Նրա խոսքով՝ Գուայդոյի հայտարարությունն իրականությանը չի համապատասխանում։ Նա նաև հավելել է, որ Գուայդոն Վենեսուելայի ընտրված նախագահ չէ։