ԱԺ «Իմ քայլը» խմբակցության պատգամավոր Հովիկ Աղազարյանը կարծում է, որ նախկին համակարգի ներկայացուիչների հարստության 70 տոկոսը պետք է վերցվի։ Այս առնչությամբ «Իմ քայլը» խմբակցության պատգամավոր Հայկ Գևորգյանը նշեց, որ յուրաքանչյուր մարդ կարող է ունենալ մասնավոր կարծիք և իր գործընկեր Հովիկ Աղազարյանը իր մասնավոր կործիքն է հայտնել։
«Այստեղ դժվար է ասել՝ 70 տոկոսը պետք է տան, թե ոչ։ Դա պետք է որոշվի իրավական դաշտում։ Իրավապահները պետք է որոշեն, թե այդ ունեցվածքի որ մասն է օրինական, որ մասն է անօրինական։ Այդ հարցերը որոշվում են դատարանի վճիռներով»,-ասաց Հայկ Գևորգյանը՝ հավելելով, որ դժվար թե այդ հարցը խմբակցությունում երբևէ քննարկվի. «Եթե քննարկվի միայն այն համատեքստում, որ այդ ամենը պետք է լինի միայն իրավական ճանապարհով։ Ես օրինակ, կարծում եմ, որ պետք է վերադարձվի ապօրինի հարստության 100 տոկոսը»,-ասաց նա։
Դիտարկմանը, թե տեսակետ կա, որ եթե նման բան լինի, դա կհանգեցնի տնտեսական կոլապսի և ներդրումների արտահոսքի, «Իմ քայլը» խմբակցության պատգամավորն ասաց. «Նորից եմ կրկնում, որ դա մասնավոր կարծիք է, ես էլ ունեմ մասնավոր կարծիք, որ ապօրինի հարստության 100 տոկոսը պետք է վերադարձվի։
