Բրիտանացի հայտնի դիզայներ և նախկին երգչուհի Վիկտորիա Բեքհեմը Լոնդոնում, նորաձևության շաբաթվա շրջանակում, ներկայացրել է իր նոր հավաքածուն: Վիկտորիային աջակցելու համար ներկա է եղել ամբողջ ընտանիքը՝ ամուսինը՝ Դեվիդը և նրանց չորս երեխաները` 19-ամյա Բրուքլինը, 16-ամյա Ռոմեոն, 13-ամյա Քրուզը և յոթ տարեկան Հարփերը, որն ամբողջովին սև հանդերձանքով է եղել: Ավագ որդուն ուղեկցել է նրա նոր ընկերուհին՝ մոդել Հանա Քրոսը, ինչն ապացուցում է, որ նրանց միջև ամեն ինչ շատ լուրջ է: Ինչպես նշել է Metro պարբերականը, Հանան Բրուքլինի առաջին ընկերուհին է, որին թույլատրվել է միանալ ընտանիքին նմանատիպ միջոցառմանը մասնակցելու համար:
Բեքհեմները նստել են պատվավոր տեղերում՝ առաջին շարքում: Նրանց հարևանությամբ տեղ է գրավել Vogue ամսագրի գլխավոր խմբագիր Աննա Վինտուրը, որը նորաձևության աշխարհի ամենաազդեցիկ դեմքերից մեկն է համարվում: Հանդիսատեսի ուշադրությունը գրավել է 69-ամյա Աննային և Հարփեր Բեքհեմի սանրվածքների նմանությունը, որն առաջին անգամ հայտնվել է Վինտուրի ֆիրմային նշան համարվող բոբ սանրվածքով, չհաշված սև ակնոցները, որը նա գրեթե երբեք չի հանում: Նույնիսկ Դեվիդն է կատակել նրանց լուսանկարը տեղադրելով սոցցանցում: «Հարփերը և Աննան … ու՞մ է ավելի շատ սազում: Երկուսն էլ հրաշալի են», մեկնաբանել է լուսանկարը ֆուտբոլիստը: Ավելի վաղ, Դեվիդը հարցազրույցում խոստովանել է, որ դստեր մազերը կտրելուն սկզբում կտրականապես դեմ է եղել դեմ, բայց հետո տվել է իր համաձայնությունը: Այդ ժամանակից ի վեր աղջիկը մի քանի կերպար է փոխել:
https://www.instagram.com/p/Bt-wgYQlHYv/?utm_source=ig_embed