Վերջին ժամանակներս Քեյթ Բլանշեթի մասին շատ են խոսում: Գրեթե մեկ ամիս առաջ Վուդի Ալենի «Ժասմին» ֆլմում դերի համար նա «Ոսկե գլոբուս»-ի է արժանացել, իսկ մարտի սկզբին դերասանուհին կպայքարի «Օսկար»-ի համար:
Դրանից բացի, նրան հրավիրել են մասնակցելու Եղիսաբեթ II-ի կողմից Դրամատիկ արվեստի թագավորական ակադեմիայի հովանավորչության 60-ամյակին նվիրված արարողությանը, որտեղ նա պետք է ելույթ ունենա թագուհու առջև:
Իսկ 2014-ը Բլանշեթի համար հագեցած կլինի. այս տարի էկրան կբարձրանան նրա մասնակցությամբ վեց ֆիլմեր:
Այս առթիվ SPLETNIK.RU-ն առաջարկում է հետևել, թե ինչպես է տարիների ընթացքում փոփոխվել մեր մոլորակի ամենահայտնի կանանցից մեկի ոճը:
Քեյթին համաշխարհային ճանաչում է բերել 1998 թ. թողարկված Շաքհար Կապուրի «Ելիզավետա» ֆիլմը: Այդ ժամանակվանից սկսած լրագրողները սկսել են հետևել ոչ միայն նրա պրոֆեսիոնալ ձեռքբերումներին, այլև արտաքին տեսքին:
Բլանշեթը հանրությանը տարբեր սանրվածքներով է ներկայանում, երբեմն նույնիսկ՝ անսպասելի: Քեյթը անընդհատ նոր ոճեր է փորձարկում, փոփոխում է մազերի երանգն ու երկարությունը:
Սակայն նրա գերհագեցած աշխատանքային գրաֆիկն ու ընտանեկան պարտականությունները ոչ միշտ են թույլ տալիս անթերի տեսք ունենալ: Դերասանուհին բազմիցս խոստովանել է, որ հաճախ իր համար ժամանակը չի բավականացնում:
Սակայն հասարակական արարողություններին նա միշտ իդեալական տեսք ունի:
