Տղամարդը աղմուկով ներխուժել է Մելբուռնի ոստիկանական բաժանմունք և պահանջել վերադարձնել թմրանյութերը՝ տեղեկացնում է AAP-ն։
Սկզբում տղամարդը ավտոմեքենայով ներխուժել է հետիոտնի հատված, հետո հարվածել Ռիչմոնդի ոստիկանության բաժնի շենքի առջևի հրշեջ ջրհորդանին։ Այնուհետև մեքենայից դուրս է եկել տղամարդը և անակնկալի եկած ոստիկաններին հայտարարել, թե եկել է, որ վերցնի նախօրեին իրենից առգրավված թմրանյութերը։
Արդյունքում՝ 59-ամյա տղամարդը ձերբակալվել է այն բանից հետո, երբ խուզարկության ժամանակ նրա մոտ հերոին է հայտնաբերվել։
Հաղորդվում է նաև, որ չարաբաստիկ մեքենայի ղեկին ոչ թե նա է եղել, այլ մի կին, որը հասցվել է հիվանդանոց։ Նախատեսում են կնոջը հարցաքննել ավելի ուշ։