Intesa Sanpaolo իտալական բանկային խումբը Mastercard վճարային համակարգի հետ համատեղ Gemalto տեխնոլոգիան ընկերության սարքավորումների վրա պիլոտային ծրագիր է սկսել, որի նպատակը Եվրոպայում առաջին EMV առանց շփման վաճարային քարտի փորձարկումն է, նշված է Gemalto կայքում:
Հաճախորդները պարզապես պետք է քարտը մոտեցնեն ցանկացած POS-տերմինալ և վճարի իրականացումը հաստատեն մատնահետքի միջոցով: Ընկերությունում նշել են, որ քարտն աշխատում է առանց վերալիցքավորման, քանի որ սնուցվում է տերմինալից: Սա ցույց է տալիս, որ կատարվող գործարքների քանակը կարող է անսահմանափակ լինել:
Intesa Sanpaolo-ի նախաձեռնությունը բանկի թվայնացման ռազմավարության վերջին քայլն է: Մատնահետքի միջոցով վավերականացումը վերացնում է առանց շփման վճարումներ կատարելու սահմանափակումները՝ երբ անհրաժեշտ էր մուտք անել PIN կոդ կամ ստացական ստորագրել: Սա մեծապես հեշտացնում է գնորդի և վաճառողի փոխհարաբերությունը վաճառքի կետերում և դարձնում այն ավելի արագ ու անվտանգ:
