Հիփ-հոփ կատարող Snoop Dogg-ն արդեն իր աստղն ունի Հոլիվուդի «Փառքի ճեմուղում»։ 360tv.ru-ն, հղում անելով Page Six-ին, գրում է, որ հատուկ արարողության ժամանակ նա շնորհակալություն է հայտնել իր ընտանիքին ու գործընկերներին, նաև ինքն իրեն։
«Կարևոր է նաև, որ ուզում եմ շնորհակալություն հայտնել ինքս ինձ։ Ուզում եմ շնորհակալություն հայտնել ինձ՝ ինձ հավատալու համար։ Ես ուզում եմ ասել «շնորհակալություն» ինձ այն բանի համար, որ արել եմ այդ ամբողջ բարդ աշխատանքը։ Ես ուզում եմ շնորհակալություն հայտնել ինձ հանգստյան օրերի բացակայության համար։ Ես ուզում եմ ասել «շնորհակալություն» այն բանի համար, որ երբեք չեմ հանձնվել… Ես ուզում եմ շնորհակալություն հայտնել ինքս ինձ, որ ամբողջ ժամանակ եղել եմ ինձ հավատարիմ»,- ասել է նա։
Snoop Dogg-ը ներկա պահին ունի թողարկած 16 ալբոմ։ Նա նաև զուգերգերով հանդես է եկել հայտնի երգիչների հետ։ Snoop Dogg-ը նկարահանվել է ավելի քան 20 ֆիլմերում։
