Հարավաֆրիկյան Հանրապետության (ՀԱՀ) նախագահ Սրիլ Ռամաֆոսան կվերադարձնի իր նախընտրական քարոզարշավին նվիրաբերությունները՝ կոռուպցիայի կասկածանքի պատճառով: Այս մասին հաղորդում է BBC News-ը:
Նախագահը որոշել է վերադարձնել 35 հազար դոլարը, որը նրան է փոխանցել Bosasa ընկերությունը: Հայտնի է դարձել, որ ֆիրման ձեռնտու պայմաններով պետական պայմանագրեր է ստացել և այժմ հետաքննություն է ընթանում:
Ռամաֆոսան նախ պնդել է, որ Bosasa-ն գումարը վճարել է իր որդուն՝ խորհրդակցությունների համար: Ավելի ուշ նա այդ փոխանցումները նվիրաբերություն է անվանել:
Առաջնորդը նաև նշել է, որ սկզբում չի իմացել ստացված միջոցների մասին: Նա ասել է, որ երբ առաջին անգամ պատասխանել է Bosasa-ի վերաբերյալ հարցերին, չի իմացել, որ ընկերությունը, որպես նվիրաբերություն, իրեն գումար է փոխանցել:
Ընդդիմադիր «Դեմոկրատական դաշինք» կուսակցության ներկայացուցիչ Մմյուզի Մեյմանի խոսքով՝ «նվիրաբերությունը» կասկածելի է և նման է մյուս կոռուպցիոն համակարգերին, որն իրականցնում է իշխող «Աֆրիկյան ազգային կոնգրես» կուսակցությունը:
