Դերասանուհի Էմմա Սթոունը պնդել է Յորգոս Լանտիմոսի «Ֆավորիտուհին» ֆիլմի տեսարաններից մեկում մերկ նկարահանվելու իր ցանկությունը, գրում է The Hollywood Reporter-ը:
Խոսքը մի դրվագի մասին է, որտեղ Աննա թագուհու սիրուհին՝ Սառա Չերչիլն իր սիրուհու անկողնում հայտնաբերում է Աբիգեյլ Մաշեմին (Սթոունին): «Երբ սկսեցին նկարահանել, ծածկոցը, որն ինձ վրա էր, անհարմար թվաց և ես ասացի. «կարո՞ղ եմ մերկ նկարահանվել, այդպես Սառան գոնե նայելու բան կունենա»»,- պատմել է Սթոունը:
Նրա խոսքով դերասանուհիներից մեկը փորձել է տարհամոզել իրեն, իսկ Լանտիմոսը հարցրել է, թե իսկապե՞ս նա ուզում է այդ անել:
«Ֆավորիտուհին» առաջին ֆիլմն է, որտեղ դերասանուհին մերկ է ներկայացել կինոդիտողին:
