Ինչպես արդեն տեղեկացրել ենք, Հայաստանի ազգային հավաքականի կիսապաշտպան Հենրիխ Մխիթարյանն այսօր տոնում է իր ծննդյան 25-րդ տարեդարձը: Ռուսական Soccer.ru կայքն անդրադարձել է Մխիթարյանին:
«Այսօր «Բորուսիա»-ի պատմության մեջ ամենաթանկարժեք ֆուտբոլիստը դարձավ 25 տարեկան, ինչի շնորհիվ կարելի է շնորհավորել Հենրիխ Մխիթարյանին: Իսկ ինչու՞ այդքան պաշտոնապես. քանի որ նա վտանգավոր մրցակից է «Զենիթ»-ի համար: Նա տաղանդավոր, ստեղծագործ ֆուտբոլիստ է:
Չի կարելի ասել, որ ամբողջ Գերմանիան հավանել է Մխիթարյանի խաղը: Թիմում կան ֆուտբոլիստներ, ովքեր գերազանցում են Մխիթարյանին: Բայց ոչ մի կերպ չի կարելի նրա տրանսֆերը սխալ համարել թիմի մարզական շտաբի ու ղեկավարության կողմից:
Մխիթարյանի միջին գնահատականը մեկ խաղի համար ավելի բարձր կլիներ, եթե թիմը ճգնաժամային շրջան չունենար, երբ չէր ստացվում թիմի բոլոր օղակների խաղը: Երկրպագուները նրան հասցրել են սիրել, օրինակ, «Շալկե»-ի դեմ խաղում: Դերբիում հաղթանակը մեծապես կապված էր Մխիթարյանի հաջող գործողությունների հետ, իսկ 3-րդ գոլի ժամանակ անցումը Մխիթարյանի մասին պատմում է ամեն ինչ:
Նա կարող էր հաջող խաղալ նաև «Լիվերպուլ»-ում՝ արդյունավետ գործելով Սուարեսի հետ: Բայց Կլոպի գործոնը զգացնել տվեց տրանսֆերի ժամանակ: Կիսապաշտպանը չի թաքցնում, որ ընտրության մի քանի տարբերակներ ուներ, բայց մարզիչը խաղաց իր դերն ընտրության հարցում:
Նա կարող է հաջող գործել յուրաքանչյուր խաղում: Նա ցուցադրում է գեղեցիկ ներկայացումներ, բազմաթիվ ճշգրիտ փոխանցումներ է կատարում, տեղաշարժվում է, պայքարում, վերահսկում խաղի ընթացքը: Մխիթարյանը «Բորուսիա» տեղափոխության համար չպետք է զղջա, առջևում բազմաթիվ հիանալի հանդիպումներ կան»:
