Քոննորն առաջին հայացքից սիրահարվել է այն մարդու քրոջը, ում սիրտը փոխպատվաստել են իրեն: Քելլեն Ռոբերթսի դոնորական օրգանը հարկավոր է եղել տղամարդուն այն բանից հետո, երբ նրա մոտ սրտի գենետիկ հիվանդություն է ախտորոշվել:
Քոննորը ցնցվել է, երբ փոխպատվաստումից մեկ տարի անց հանդիպել է Էրինին: Չնայած, որ 17-ամյա Քոննորն առաջին անգամ 26-ամյա Էրինին հանդիպել էր 2004 թ., նրանց միջև բռնկված կայծը պահպանվել է մինչև 2010 թ., երբ նրանք կրկին հանդիպել են:
«Մենք միանգամից միացանք, երկուսս էլ կարծում ենք, որ Քելլեն է մեզ միացրել»,- Mail Online-ին տված հարցազրույցում ասել է Քոննորը:
Քոննորը սպորտային տղա էր: Երբ 2004 թ. նոյեմբերի վերջին նրա մոտ սրտի գենետի հիվանդություն էր ախտորոշվել, բժիշկներն ասել էին, որ նրան պետք է սրտի փոխպատվաստում անել, հակառակ դեպքում տղան կմահանա:
Ի դժբախտություն Ռոբերթսների ընտանիքի և ի երջանկություն Քոննորի՝ Քելլենը մահացել էր Հարավային Դակոտա քաղաքում հարբած վիճակում կատարած փոխհրաձգության ժամանակ: Քոննորն այդ ժամանակ շատ դժվար կացության մեջ էր:
«Դա իմ կյանքի լավագույն օրն էր, սակայն ես գիտակցում էի, որ կապրեմ միայն այն բանի շնորհիվ, որ ինչ-որ մեկը մահացել է»,- ասել է նա:
Քոննորն, առողջանալով, որոշել է նամակ գրել դոնորի ընտանիքին, իսկ լիովին ապաքինվելուց հետո այցելել է նրանց:
Այդ ժամանակ էլ նա առաջին անգամ հանդիպել է Էրինին: Իսկ հինգ տարի անց նրանք կրկին գտել են իրար Facebook-ի միջոցով:
«Մենք երկուսս էլ միայնակ էինք, և ամեն ինչ իր տեղն ընկավ»,- ասում է Քոննորը:
