Թուրինի «Յուվենթուս»-ի հարձակվող Միրկո Վուչինիչը կարող է շարունակել կարիերան «Ինտեր»-ում: Ընդ որում, հակառակ ոււղությամբ նույնպես կարող է տեղափոխություն կատարվել` կոլումբիացի 27-ամյա կիսապաշտպան Ֆրեդի Գուարինը կարող է թուրինյան ակումբ տեղափոխվել:
30-ամյա Վուչինիչն արդեն հրաժեշտ է տվել իր ակումբակիցներին` «Յուվենթուս»-ի մարզաբազայում:
Ավելի վաղ տեղեկություններ էին տարածվել, որ Գուարինը կարող է շարունակել կարիերան «Չելսի»-ում, բայց լոնդոնյան ակումբը ձեռք բերեց «Բենֆիկա»-ի ֆուտբոլիստ Նեմանյա Մատիչի իրավունքները: Նշվում էր, որ Վուչինիչի ծառայություններով հետաքրքրված է «Արսենալ»-ը, բայց Արսեն Վենգերը հերքեց շրջանառվող լուրերը:
