«Ղարաբաղ» կոմիտեի անդամ Աշոտ Մանուչարյանի կարծիքով՝ մեր հեղափոխությունը համընկել է մի կարևոր երևույթի հետ։ «Աշխարհում բռնկված էր մի գործընթաց, որն ուղղված էր վաշխառուական համակարգի դեմ։ Վաշխառուական համակարգը փորձում էր աշխարհում քաոս տարածել։ Մասնավորապես, Հայաստանում մեր հեղափոխության բռնկումից մի քանի օր առաջ եղավ այդ վաշխառուական համակարգի կառավարման վահանակի կործանումը։ Այսինքն` Հայաստանի կառավարման համակարգում կային կոնկրետ մարդիկ, որոնք կառավարում էին մեր երկրի ողջ գործունեությունը և նրանք կործանվեցին»,- «Առաջին լրատվական»-ի հետ զրույցում ասաց նա։
Մանուչարյանի դիտարկմամբ՝ նրանք հեռացվեցին, բայց նրանց ստեղծած համակարգի բեկորները մենք տեսնում ենք. «Մի համակարգը գողերի ավազակների համակարգն էր, որը ներկայացված էր 4 կուսակցություններով, երկրի թալանի, ոչնչացման համակարգը այս տրամաբանության մեջ էր։ Մենք տեսնում ենք, որ այդ համակարգի բեկորները ինչ-որ մարդկանց լիդերությամբ պարբերաբար երևում են։ Զարմանալիորեն նրանց մեջ երևում են նաև Քոչարյանն ու Սերժ Սարգսյանը»։
Աշոտ Մանուչարյանի խոսքերով՝ կողոպուտի համակարգը ներկայացված է ներկայիս օրենսգրքով։ «Ընտրական օրենսգրքի շուրջ ճամարտակությունները պատահականություն չեն, դրանք փորձեր են պահպանելու այդ համակարգը»,- եզրափակեց նա։
Հարցազրույցն ամբողջությամբ՝ տեսանյութում։
