Այսօր՝ հոկտեմբերի 24-ին, Ազգային ժողովը շարունակում է աշխատանքները: Ինչպես հայտարարեց ԱԺ նախագահ Արա Բաբլոյանը, այսօր լրացել է վարչապետի առաջադրման ժամկետը, և «Ելք» խմբակցությունը վարչապետի պաշտոնում առաջադրել է Նիկոլ Փաշինյանի թեկնածությունը:
Պատգամավոր Շիրակ Թորոսյանի հարցը՝ ուղղված Փաշինյանին, առնչվում էր Ղարաբաղյան հակամարտությանը:
«Անընդհատ բոլոր իշխանությունների դեմ կա անվստահություն. բոլորի պարագայում ասվում է՝ այս իշխանությունը եկել է ինչ-որ բան հանձնելու համար»,- նշեց Նիկոլ Փաշինյանը:
Նրա խոսքով՝ Հայաստանում նույնիսկ ամենաբռնապետական իշխանությունը չի կարող ԼՂ հարցը լուծել առանց ժողովրդի կարծիքը հաշվի առնելու. «Ղարաբաղի հարցի թաքուն լուծում չի կարող լինել, բացառվում է»:
Փաշինյանը նշեց նաև, որ նենգափոխվել են իր խոսքերը բանակցություններին մասնակցելու առումով. «Ես ասել եմ՝ ես լիազորված եմ բանակցություններին մասնակցելու Հայաստանի անունից, բայց ոչ՝ Լեռնային Ղարաբաղի»:
Մանրամասները՝ տեսանյութում: