Այսօր ԱՄՆ գլխավոր սանիտարական բժիշկ Բորիս Լուշնյակի հրապարակած զեկույցում ասվում է, որ չնայած այն բանին, որ այսօր մարդիկ միջինը ծխում են ավելի քիչ սիգարետ, թոքերի և լյարդի քաղցկեղի, դիաբետի և կուրության հատուկ տեսակի (մակուլոդիստրոֆիա՝ աչքի ցանցաթաղաթի ախտահարում) և բազմաթիվ այլ հիվանդությունների զարգացման ռիսկն ավելացել է:
Ինչպես հայտնում է USA Today-ը, ծխելու վնասակարության մասին ԱՄՆ գլխավոր սանիտարական բժշկի առաջին հաշվետվությունը հրապարակվել է 1964 թվականին: Այդ ժամանակվանից ի վեր ծխողներին սպառնացող հիվանդությունների թիվը նկատելիորեն ավելացել է. թոքերի քաղցկեղին ու տուբերկուլյոզին ավելացել են իմպոտենցիան, ռևմատոիդ արթրիտը, դիաբետը, հաստ աղիքի և լյարդի քաղցկեղը, իմունային համակարգի թուլացումը:
Լուշնյակը կարծում է, որ պասիվ ծխողները նույնպես ենթարկվում են վիթխարի ռիսկի: Ծուխը մշտապես շնչողների մոտ մեծանցում է ուղեղի և սրտի կաթվածի հավանականությունը, ինչպես նաև քաղցկեղային հիվանդությունների առաջացման ռիսկը:
ԱՄՆ գլխավոր սանիտարական բժիշկը հայտնել է, որ ԱՄՆ մեծահասակ բնակչության 18 տոկոսը ծխող է: Նա նշել է, որ իրենք պարտավոր են կրթական արշավների, հարկերի բարձրացման, հասարակական վայրերում ծխելու արգելքների դեմ պայքարել՝ փրկելու 5.6 մլն երեխաների, ովքեր այսօր ողջ և առողջ են, սակայն կարող են երիտասրադ տարիքում մահանալ, եթե ոչինչ չձեռարկվի:
Բացի առողջությանը հասցրած անդառնալի հետևանքներից՝ ծխելը վիթխարի վնասներ է բերում պետությանը: Լուշնյակի զեկույցի համաձայն՝ ԱՄՆ բյուջեն տարեկան աղքատանում է 296 մլրդ դոլարով, որը ծախսվում է ակտիվ և պասիվ ծխողների բուժման համար:
