Վենեսուելայի նախագահ Նիկոլաս Մադուրոն համոզված է, որ երկրում հանցավորության բարձր մակարդակը կարող է կապված լինել հեռուստատեսությամբ ցուցադրվող սերիալների հետ, հայտնում են լատինամերիկյան ԶԼՄ-ները:
«Մենք կկառուցենք խաղաղ մշակույթ»,- հայտարարել է Մադուրոն: Իսկ մինչ այդ, նրա խոսքով, հեռուստաալիքները ցուցադրում են սերիալներ, որոնցում գլխավոր դերասանները սպանում են մարդկանց, սակայն նաև ներկայացվում են որպես հերոսներ:
Մադուրոն հեռուստահաղորդակցության նախարարին հրաման է տվել անցկացնել հեռուստածրագրի պարունակության հետաքննություն:
Վենեսուելայի նախագահի կարծիքով՝ բազմաթիվ սերիալներ ատելություն ու բռնություն են քարոզում:
Պաշտոնական տվյալների համաձայն՝ Վենեսուելայում 2013թ. 100 հազար բնակչին բաժին է ընկել 39 սպանություն:
