Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայում տնտեսական ճգնաժամ չկա, այլ կան միայն մանիպուլացիայի փորձեր։ Նա նաև հավաստիացրել է, որ այլ երկրներից չի խնդրել ֆինանսական օգնություն՝ գրում է mignews.com-ը։
Էրդողանի խոսքով՝ նա փորձում է փրկել Թուրքիան այնպիսի չարիքներից, ինչպիսիք են տոկոսադրույքները, գնաճի տեմպերը և ֆորեքսի դրույքները։
Միևնույն ժամանակ Էրդողանը նշել է, որ Թուրքիան բաց է բոլոր տեսակի ներդրումների և աջակցությունների համար, ինչպես նաև Անկարան տուգանքներ կմտցնի ազատ շուկայական կանոններում նրանց հանդեպ, ովքեր կիրառում են ֆորեքսի դրույքները գնաճ իրականացնելու համար։
