ԱՄՆ նախագահ Դոնալդ Թրամփը հայտարարել է, որ ինքը և Հյուսիսային Կորեայի առաջնորդ Կիմ Չեն Ինը սիրահարվել են միմյանց: CNN-ի փոխանցմամբ՝ այս մասին նա հայտնել է Արևմտյան Վիրջինիայում իր կողմնակիցների առաջ ելույթ ունենալիս:
«Ես կոշտ էի, նա՝ նույնպես, մենք քայլում էինք մեկ առաջ, մեկ հետ, իսկ հետո սիրահարվեցինք միմյանց: Նա ինձ գրել է գեղեցիկ նամակներ, գերազանց նամակներ»,- ասել է պետության ղեկավարը՝ հումորով նկատելով, որ ԶԼՄ-ները կրկին աղավաղված կմեկնաբանեն իր խոսքերը և դրանք կհամարեն «ոչ նախագահական»:
«Թրամփն ասել է, որ իրենք սիրահարվել են, ինչ ահավոր է»,- նմանակել է նա մամուլին:
ԱՄՆ առաջնորդը հերքել է տեղեկատվությունն այն մասին, որ հարցել է նետել ամերիկացի զինվորներին Հյուսիսային Կորեայից դուրս բերելու և դատապարտվածներին ազատ արձակելու վերաբերյալ: «Ես ոչինչ չեմ նետել»,- ընդգծել է նախագահը:
Հյուսիսային Կորեայի և ԱՄՆ առաջնորդների առաջին երկկողմ գագաթնաժողովը տեղի է ունեցել հունիսի 12-ին: Դրա արդյունքներով նրանք ստորագրել են փաստաթուղթ, որը Թրամփը անվանել է «կարևոր, համապարփակ և մանրակրկիտ»: Կիմ Չեն Ինը իր երախտագիտությունն է հայտնել գործընկերոջը հանդիպման համար և կոչ է արել անցյալում թողնել բոլոր տարաձայնությունները:
