Լոնդոնում բնակվող Դանիել Մարահը, որի 17 տարին վերջերս էր լրացել, հանելուկային հանգամանքներում ընկել է չորսհարկանի տան տանիքից։ Դա ինքնասպանության նման չէր, քանի որ աղջիկը շատ կենսուրախ էր։
Հայրը՝ Չարլզ Մարահն ասել է, որ ճակատագրական օրը Դանիելը հուզված էր քննության պատճառով։ Նա միայն երեկոյան է ննջասենյակից դուրս եկել և խոսել ծնողների հետ։
Չարլզը հիշում է, որ դրանից կես ժամ անց հարվածի ձայն է լսվել։ Դանիելի և կրտսեր քրոջ՝ Շոնայի ննջասենյակը վերջին հարկում էր։ Այն փոքրիկ պատուհան ուներ, որով կարելի էր տանիք դուրս գալ։
Իրավապահների խոսքով՝ դա ինքնասպանության նման չէ, քանի որ նախ, աղջկա մասին բոլոր ծանոթները միայն լավ բաներ են ասել, և հետո, Դանիելի կրտսեր քրոջ բջջայինը տանիքին է գտնվել։
Հոր խոսքով՝ դեռ մանկուց քույրերին դուր է եկել միմյանց իրերը թաքցնել։ Շատ հավանական է, որ Դանիելը տանիք էր բարձրացել, որպեսզի թաքցնի քրոջ հեռախոսը, սակայն սայթաքել և ընկել է։
